---
title: "#youngman |കാമുകിയുമായി തര്‍ക്കം;ട്രാൻസ്ഫോമറിനു മുകളിൽ കയറിയ യുവാവിന് ഷോക്കേറ്റു"
english_title: "Argument with his #girlfriend; the #young man got #shocked after climbing on top of the #transformer"
publisher: "piravomnews.in"
canonical_url: "https://piravom.truevisionnews.com/news/141543/argument-with-his-girlfriend-the-young-man-got-shocked-after-climbing-on-top-of-the-transformer"
published_at: "2023-08-25T05:57:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64e7f68b5564f_transfomer.jpg"
keywords: []
---

# #youngman |കാമുകിയുമായി തര്‍ക്കം;ട്രാൻസ്ഫോമറിനു മുകളിൽ കയറിയ യുവാവിന് ഷോക്കേറ്റു

> **Lead Summary:** **എറണാകുളം : ** കിഴക്കമ്പലം ബസ്‌ സ്റ്റാൻഡിനു സമീപമുള്ള ട്രാൻസ്ഫോമറില്‍ കാമുകിയുമായുണ്ടായ തർക്കത്തെത്തുടർന്ന് പേടിപ്പിക്കാൻ ട്രാൻസ്ഫോമറിനു മുകളിൽ കയറിയ ബ്രഹ്മപുരം പടിഞ്ഞാറേ മൂലയിൽ വീട്ടിൽ അജ്മൽ സിദ്ദീഖിനെ പരുക്കുകളോടെ എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു.

## Article Content

**എറണാകുളം : ** കിഴക്കമ്പലം ബസ്‌ സ്റ്റാൻഡിനു സമീപമുള്ള ട്രാൻസ്ഫോമറില്‍ കാമുകിയുമായുണ്ടായ തർക്കത്തെത്തുടർന്ന് പേടിപ്പിക്കാൻ ട്രാൻസ്ഫോമറിനു മുകളിൽ കയറിയ ബ്രഹ്മപുരം പടിഞ്ഞാറേ മൂലയിൽ വീട്ടിൽ അജ്മൽ സിദ്ദീഖിനെ പരുക്കുകളോടെ എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു.

ഇന്നലെ പുലർച്ചെ 2.30 ആണ് സംഭവം. ട്രാൻസ്ഫോമറിനു മുകളിൽ കയറി ലൈനിൽ പിടിക്കാൻ ശ്രമിച്ചപ്പോൾ ഷോക്കേറ്റ്‌ തെറിച്ചുവീഴുകയായിരുന്നുവെന്ന് ദൃക്സാക്ഷികൾ പറഞ്ഞു. വലിയ ശബ്ദത്തോടെ ലൈനിൽ നിന്നു പൊട്ടിത്തെറി ഉണ്ടാവുകയും ലൈൻ ഓഫ്‌ ആവുകയും ചെയ്തു.

പൊട്ടിത്തെറി ശബ്ദം കേട്ട്, തൊട്ടടുത്തുള്ള കെഎസ്ഇബി ഓഫിസിൽ നൈറ്റ് ഡ്യൂട്ടിയിലുണ്ടായിരുന്ന ജീവനക്കാരനായ വിജയ ബാബു ഉടൻ തന്നെയെത്തി അജ്മലിനു പ്രഥമശുശ്രൂഷ നൽകി. 

കൈകൾക്കും കഴുത്തിനു താഴെയും അരയ്ക്കു മുകളിലും പൊള്ളലേറ്റിട്ടുണ്ട്‌. ലൈൻ ഓഫ്‌ ആയതിനാലാണ്‌ അജ്മലിനു ജീവൻ തിരിച്ചുകിട്ടിയതെന്നു കെഎസ്ഇബി ജീവനക്കാർ പറഞ്ഞു.

### Related Links & Sources
- [Original Story Source](https://piravom.truevisionnews.com/news/141543/argument-with-his-girlfriend-the-young-man-got-shocked-after-climbing-on-top-of-the-transformer)