---
title: "#rain|ബംഗാൾ ഉൾക്കടലിൽ ന്യുന മർദ്ദം, കേരളത്തിൽ ഇന്ന് നാല് ജില്ലകളിൽ വ്യാപക മഴയ്ക്ക് സാധ്യത"
english_title: "Low pressure in Bay of #Bengal, widespread #rain likely in four districts of #Kerala today"
publisher: "piravomnews.in"
canonical_url: "https://piravom.truevisionnews.com/news/131608/low-pressure-in-bay-of-bengal-widespread-rain-likely-in-four-districts-of-kerala-today"
published_at: "2023-07-19T06:20:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64b7341ce369e_rain.jpg"
keywords: []
---

# #rain|ബംഗാൾ ഉൾക്കടലിൽ ന്യുന മർദ്ദം, കേരളത്തിൽ ഇന്ന് നാല് ജില്ലകളിൽ വ്യാപക മഴയ്ക്ക് സാധ്യത

> **Lead Summary:** **തിരുവനന്തപുരം:**കേരളത്തിന് വീണ്ടും മഴ ഭീഷണിയായി ബംഗാൾ ഉൾക്കടലിൽ ന്യൂനമർദ്ദ സാധ്യത. നിലവിൽ രൂപപ്പെട്ടിട്ടുള്ള ചക്രവാതചുഴി വടക്ക് പടിഞ്ഞാറൻ ബംഗാൾ ഉൾക്കടലിനു മുകളിൽ ന്യൂനമർദ്ദമായി ശക്തി പ്രാപിക്കാൻ സാധ്യതയുള്ളതാണ് കേരളത്തിന് മഴ ഭീഷണിയാകുന്നത്.

## Article Content

**തിരുവനന്തപുരം:**കേരളത്തിന് വീണ്ടും മഴ ഭീഷണിയായി ബംഗാൾ ഉൾക്കടലിൽ ന്യൂനമർദ്ദ സാധ്യത. നിലവിൽ രൂപപ്പെട്ടിട്ടുള്ള ചക്രവാതചുഴി വടക്ക് പടിഞ്ഞാറൻ ബംഗാൾ ഉൾക്കടലിനു മുകളിൽ ന്യൂനമർദ്ദമായി ശക്തി പ്രാപിക്കാൻ സാധ്യതയുള്ളതാണ് കേരളത്തിന് മഴ ഭീഷണിയാകുന്നത്.

ഇതനുസരിച്ച് 22 ാം തിയതി വരെ കേരളത്തിൽ വ്യാപകമായ മഴയ്ക്കും ഒറ്റപ്പെട്ട സ്ഥലങ്ങളിൽ ശക്തമായ മഴയ്ക്കും സാധ്യതയെന്നാണ് കേന്ദ്ര കാലാവസ്ഥ വകുപ്പിൻ്റെ മുന്നറിയിപ്പ്.ഇന്ന് നാല് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. മലപ്പുറം, കോഴിക്കോട്, കണ്ണൂർ, കാസർഗോഡ് ജില്ലകളിലാണ് ഇന്ന് യെല്ലോ ജാഗ്രതയുള്ളത്.

**അടുത്ത ദിവസങ്ങളിലെ മഴ സാധ്യത പ്രവചനം****

19-07-2023 : മലപ്പുറം, കോഴിക്കോട്, കണ്ണൂർ, കാസർഗോഡ് 20-07-2023 : കോഴിക്കോട്, കണ്ണൂർ, കാസർഗോഡ് 21-07-2023 : കോഴിക്കോട്, കണ്ണൂർ, കാസർഗോഡ് 22-07-2023 :മലപ്പുറം, കോഴിക്കോട്, കണ്ണൂർ, കാസർഗോഡ് എന്നീ ജില്ലകളിലാണ് മഞ്ഞ അലർട്ട് പ്രഖ്യാപിച്ചിട്ടുള്ളത്.ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.
**

### Related Links & Sources
- [Original Story Source](https://piravom.truevisionnews.com/news/131608/low-pressure-in-bay-of-bengal-widespread-rain-likely-in-four-districts-of-kerala-today)